Author: Elizabeth Barnard, Childhood, Loss, Poetry, Relationships

Ek wou my stad se poorte

wyd oopgooi vir jou.

Jou bring na my tuin

vol lekker ruik kruie. Jou

laat drink uit my fontein

Vir jou soet wyn en

geurige appels voer

Maar jou wagte

het my gewond.

 

Ek wou my in die holte

van jou linkerarm vlei.

My naakte wese

onbevange toewy

aan jou, en jy het

weggedraai van my.

Ek het geroep

Maar jou wagte

het my weggedryf.

 

Toe het ek my stad versterk

die toegang versper met

balke van sederhout.

Op die muur ‘n toring

van suiwer silwer gebou,

met kosbare linne en sy my

binnekamer versier;

en daar, het ek

vir jou gewag.

Related Projects
  • Lights
    Lights
    Author: Annette Snyckers Memory Mental Health Poetry Relationships Spirituality
  • Rotten Segments
    Rotten Segments
    Author: Sue Steel Childhood Childhood & Family Coming of Age
  • For This Is Not
    For This Is Not
    Author: Heidi van Rooyen Loss
  • At the Drive-In
    At the Drive-In
    Author: Dugal Harris Childhood Childhood & Family
0
Photo by Cédric VT on Unsplash